Konsè enstrimantal AJEDBR lan, Yon konsè remakab

Apre yon gro poz kovid-19 te mete nan aktivite jenès anpil legliz pami yo jenès Bon Repo an, komite AJEDBR (Asosyasyon Jenès Legliz de Dye Bon Repo) te deside òganize yon konsè enstrimantal jou kite 20 desanm 2020 an. Menmsi komite jenès lan te konn fè aktivite chak desanb, men aktivite sila a te spesyal paske li te fèt nan okazyon pou te remete jenès la sou pye ak yon mesaj pou tout kretyen, yon mesaj ki montre adore BonDye pa fèt ak bouch sèlman men li fèt ak enstriman yo tou.

Komite 8 manb sa a te prepare, yon meni ki te gen anpil gran mizisyen espesyal. Gwoup mizisyen sa yo te vle montre diferan fason ou ka adore Bondye, e jou sa a, yo te pwofite montre kòman enstriman yo ka sèvi pou bay Bondye glwa nan tout dimansyon. Ak saksofòn, ak tronpèt, ak gita, ak vyolon, BonDye te jwen adorasyon pa l lan. Nan okazyon sa, mesye dam yo te fè yon kout lekti nan liv sòm yo, presizeman nan sòm 150, yon pasaj ki te sèvi pou fè yon rezime total sa ki ta pral pase nan aktivite a, se te yon moman pou chak grenn jèn te vin pase strès yo san problèm, san kè sote pandan yap bay Bondye yon adorasyon dènye nivo.

Chak mizisyen yo te bay yon bèl pèfòmans, pami yo te genyen (les Sanon, Prosper Marcellus ak saksofòn majik li an, Faveur Divine, Bishop Yvon Phildor, Ronald Présulmé ...) san nou pa bliye mèt seremoni an, M Yvener Saint Louis, ki se youn nan animatè Radyo Vwa Levanjil, presizeman animatè emisyon ki rele ''tempo 95'', li te met anpil chalè ak anpil anbyans ...

Finalman chak grenn jèn te santi yo nan po yo ak anpil satisfaksyon. Pou yon konsè gratis, meni an te chaje. Se te yon rivyè lajwa ki tap debòde lakay chak patisipan konsè a. Se sak fè tout moun ap kwaze dwèt yo, priye Bondye pou gen yon lòt edisyon, ane prochèn.

Daphnide GÉDÉ

REZO KRETYEN BENI || RKB

Commentaires

Posts les plus consultés de ce blog

Dyaspora kanmenm

Youn nan pi gro problèm lòm se aksepte tèt li janl ye a, sanl pa gen foli montre li se yon gran devan pandan pòch li gen trou, li se yon bounda chire. Se vre anpil moun vle montre yo sesi, yo sela epoutan anyen serye yo pa ye. Gason toujou gen foli montre fanm, li son afè, li gen nan menl, li se yon moun ki, WAW , ki men wotè, menmsi li pa anyen serye. Siw rive nan nivo sa a, fè atansyon. - Oo Nathalie! Ki sant ou pran pitit ? - Sant fèt madanm. Kouman ou ye menm ? Ou pa wè nwèl la rive, se fèt cheri. - Hm, fèt ? Jan peyi sa ye la ? - A, Nephtalie, ki te fèt la rantre nan ou sispann fè ti figiw frijèt, frijèt. Mete ti souri sou lèv ou madanm … Epi peyi de lòk, pa gen kowona, ann pran ti plezi n. - E kidnapin lan ? Pandan ensekirite a rèd lan ? Ou pap viv nan peyi an Nathalie ? Rete ! - A Neph, chanje refren pitit ! PM Jouthe ap kase fe tout bandi sa yo. - An palan, Frank ki mande w nan maryaj kifè kèw kontan konsa ? - Se sèlman sa ki pou fè kèm kontan ? Antouka, nou po...

2 katastròf : kidnapin ak kowonaviris

Kisa ki ap pase Ayiti nan dènye jou sa yo ? Eske otorite yo bese bra yo ? Pa gen solisyon ? Bon, gen yon swadizan operasyon ki te fèt nan youn nan zòn cho yo, men eske se yon operasyon vre ? Oubyen yon sanblan ? Jan anpil videyo bandi yo pibliye sou rezo sosyal yo ap fè it. Epi, kot bilan operasyon an ? Lapè tabli ? Antouka, Se ak anpil pèn pou n te tande premye minis peyi an, premye polisye, chèf CSPN lan kap lage responsabilite sekirite popilasyon an nan men menm popilasyon sa a. Se mèt kò ki pou veye kò l, pa rete pròch yon moun ou pa konnen, se pa moman pou fè grajè, pran woulib nan men Moun ou pa konnen. Kòmsi Moun ki gen machin renmen bay pyeton woulib. Nou dwe vijilan vre paske polisye yo okipe nan kraze manifestasyon ak tout ti regroupman moun kap mande kanpe vàn ensekirite a. Epi, si se popilasyon ki pou sekirize tèt li, pil machin vit tente yo, anpil ki san plak e menm popilasyon sa ki pou fè tchèk ladan yo ? Pandan tan sa a, yo kidnape medsen, medsen leve kanpe, yo touy...

À qui le tour ?

À qui le tour? ''Assassinat du Sensei (maître) Kadhafi Saphir. Il est à la fois Vice-président et entraîneur national de Kyokushin (karaté sans protection) et est assassiné par balles le jeudi 3 septembre 2020 à l’Acul non loin de Gressier sur la Route Nationale numéro 2 … À qui le tour ?'' ''Le Bâtonnier de l’Ordre des Avocats de Port-au-Prince, Monferrier Dorval, a été abattu, devant son parking, en rentrant chez lui dans la nuit du 28 août 2020 à Pèlerin 5. Ce même quartier où réside le président de la République, M. Jovenel Moïse, dans la commune de Pétion-Ville … À qui le tour? '' '' Le jeudi 27 août 2020, ont eu lieu plusieurs assassinats dont Jean Wilner Bobo, tué par balles à Pétion-Ville, Frantz Adrien Bony, Chroniqueur de radio, tué d’une balle à la tête dans la nuit, Michel Saieh homme d’affaires, tué par balles par des individus circulant à moto … À qui le tour? '' '' Le jeune professeur et entrepreneur, Obelson Pie...

Rezo Kretyen Beni

Rechercher dans ce blog