Accéder au contenu principal

Bwa kale

Kiyès ki te di lòk peyi a se pi bon mwayen pou pase revandikasyon pèp ? Mete devan problèm reyèl peyi a ap konfronte ? Eske li se avantaj pou mas la vre? Si nan tan ansyen li te pote yon swadizan rezilta, istwa resan montre lòk, paralize aktivite nan peyi a pandan youn, de, twa semèn, e menm plizyè mwa pa pote anyen pou mas pèp la ki kontinye viv nan malsite e menm sa ki te gen yon ti vi miyò tonbe plat atè. Popilasyon an vin gen plis grangou, plis problèm, lavi a vin pi chè. Pandan sa a gen negosiyasyon kap fèt sou do ti pèp la. Nan konsa pouvwa an plas la vin pi fò, gen yon group moun nan sosyete a ki te pran devan nan mouvman ki al negosye pou yo jwen moso gato pa yo. Se pou sa yo te leve kanpe sou do ti pèp la se pou yo te ka negosye, non? Men, tou eske peyi a pa deja lòk? Pa gen barikad oubyen restriksyon nan anpil kote nan peyi a? Ou ka sikile alèz nenpòt kote nan nenpòt lè sou ti bout teritwa nasyonal la ? 

  • Thalie, fòk m sòti wi. Fòk m al dèyè dlo ak ti ponp pou ti frè m lan ki asmatik la. Yon sèl ki rete lakay la ki poko sèvi. Nan 2 semèn li pase nenpòt 3 tank li strese. Malgre, sa nou fè li pa amelyore. 

  • Pandan wap di sa madanm, menm mwen menm m bezwen ti dlo tou pou bwè. Pa gen menm lakay la non. Men eske nap ka pase? Eske nap jwen kote ki louvri tou ?

  • Gen yon famasi sou dèlma ki pa janm fèmen, m espere li louvri. Pou dlo a, ou ka wè gen anpil moun kote ki louvri yo.

  • Nan move tan sa kòkòt ou met espwa konsa ?

  • E ben, map eseye, m pa ka dejouraje anvan menm Mwen eseye non. Epitou, nou gen pye, nap mache, kote n rive nou rive. Bon menm bonbòn gaz la m ta dwe plen, m sou 4 jou se ak bwa nan lakou a epi po kokoye kite nan fatra lakay la nou itilize pou bouyi grenn diri. Nap peze grangou konsa sè m.

  • Ou nan menm ka ak mwen, Neph, se lafen nap konbat anba lòk sa a. Men, dlo pou bwè a pi enpòtan. 

  • Ou imajine si moun sou katye a pat mete ansanm pou fè vye ponp an fè a, wè ka nou pitit. 

  • Pa pale bagay sa fò, bokit dlo tap fè semèn. Ou sonje lòk ane pase lè ponp lan pat fèt la? ... pran telefòn ou ak kat elektoral ou a? … Ann pran lari a non. 

" Moun pa pase " "nou pa gen kay? F… tounen lakay nou " "bann enpav, se nou kap kraze peyi a " … se pawòl piman bouk pou moun ki riske pase pou yo al chache dlo, gaz, oubyen lòt bagay kay la bezwen. Menm kout rigwaz yo bay.

  • Natalie epa wap avanse …

  • Ey, ou menm madanm kote wap avanse konsa? Ou pa tande tounen lakay ou? 

  • Sa w genyen? Ou pa vin fè m tounen? Nap f… pran pòz nou la. Nap banm dlo pou m bwè ? M f… grangou, m f… swaf. M sou plizyè jou dinepa pa bay dlo pou bwè, f… banm pase, bann ch… 

  • Nathalie, Nathalie atansyon …

  • Ou pa bay ... se egare n ye … kiyès ou vle bay kout bagay ou a …

  • Lage sa madanm, lage m di w wi ...

  • Bann ti ch... kolon, bann restavèk, ti zo nou bezwen, kou yo ba nou l, nap debloke lari. Epi, m pa f… nan esklavaj, ou banm kout fwèt ou a, m tou voye w al travay nan bitasyon m. 

  • Sa madanm sa gen la?

  • Wè si n leve zago n sou mwen, li pap bon pou nou non, dayè, m koumanse anraje la, f… banm pase, ann ale Nephtalie.

"Sak pran madanm sa la? Kèk madan chèf wi" "mari w pa ba w bon sèvis yèswa? Ou chimè?"

  • Pran moun pou makak, lajann nan bounda n pou n bloke, nap tann lòt lajan pou n debloke. Di se pèp nap defann …

  • Nathalie, Ann pa pèsiste … men telefòn ou ap sonnen

  • Alo, Alo, se kiyès sa?

  • Alo, bonjou Mis, kijan w ye?

  • M anfòm wi, m pa wè kiyès non, ou paka rele m aprè? M nan lari

  • Mis, se ijan, Mwen se Peterson, mari Orphelia. Madanm mwen kase lezo, li gen anpil doulè, sanble akouchman pare. M sot eseye pase ak li pou m al lopital, m pa kapab, menm moto m jwen yo, pa vle pase. E doulè yo anpil, se li ki di m kouri vin chache w, paske ou konn fè yo, m lakay ou la m pa wè w. Silvouplè mis vin ede madanm mwen. Map tann ou lakay ou a, tanpri mis la, m pa konn lòt moun ki te ka ede nou, m pa vle nou pèdi timoun lan…

  • Ou mèt rete tèt frèt, pa panike, nap gen timoun nan, nap gen manman nan non BonDye. Map vin kounya, ou mèt al lakay ou, map kouri rive lakay pou m pran kèk bagay epi map vin jwen nou. Pa bezwen panike tande …

Pandan nap di bwa kale nèt, goudou goudou, monte barikad byen wo … kiyès nap fè mal? Konbyen moun ki pat prepare, nou kontrarye egzitans yo e nou fè ap soufri kounya? Se pèp nap defann pandan nap fè l vin pi pòv? Ki solisyon nou jwen pou mas pèp la lè se konsa nou fè l? Pa gen lòt mwayen? Bwa kale nan dèyè kiyès ?



Yon ti Kozri

Rezo Kretyen Beni || RKB





Commentaires

Enregistrer un commentaire

Posts les plus consultés de ce blog

VAR

VAR Eske li nòmal pou nap viv nan venteinyèm syèk sa pou Peyi an gen zòn moun pa ka pase akoz ensekirite ? E depiw pase la, yo konsiderew kòm yon ewo. Bon, ka sa a grav anpil. Mache pèp lan, mache kotew jwen tout bagay ou bezwen, fin kraze. Se pa paske li te fèt an beton li kraze men vòlè, bandi, gang pran zòn lan an otaj e machann tankou kliyan ki konn achte pè pase la. Kisa nap fè ak peyi sa ? Kisa nou vle ? - Nathalie, ou pap al nan fak lan? Lè a preske rive sou nou wi. -Pa enkyetew Neph, nap gentan rive. -Sa wap di la, li preske 8 è wi. Ou bliye Ayopò ak Nazon toujou gen yon vye blokis. A dizè nap rive . - E ben ann pran yon bis lavil. - KISA? - Sa lavil genyen ? Epi si le cho, yo pase pa anndan Ayopò wi pitit, gad jan Nephtalie kapon. - Se pa kapon, se pridan. M pa wè rezon pou pran bis la non, kòm anba l'avion Cho, se Ayopò lap pase, pitom pran kamyonèt. - Bis la ap tou chaje Bonrepo wi. Olye ou monte desann nan kamyonèt, pito ou pran yon vòl dirèk nan bis. - E ben...
Enregistrer un commentaire
Lire la suite

Un petit coup d’œil dans le dossier Dermalog

Retournons sur un dossier sur le régime PHTK de Jovenel Moise Dermalog Identification Systems GmbH, basé à Hambourg, est le pionnier du développement de produits et systèmes biométriques. Elle est considérée comme le plus grand fabricant allemand dans le domaine biométrique. Elle développe en permanence des systèmes d’identification biométrique automatiques, des systèmes d’identification automatique par empreintes digitales, des appareils de pointe de numérisation d’empreintes digitales. Elle développe un ensemble de produits comme empreintes digitales, reconnaissance du visage et de l’iris, le système multi-biométrique … Au fil des ans, cette entreprise acquiert une réputation mondiale. Pourquoi l’État haïtien aurait sollicité les services de Dermalog ? Pourquoi ce dossier est un scandale ? Le 19 avril 2017, le président Jovenel Moïse a adopté, en conseil des ministres un projet de loi instituant la carte d’identification nationale unique, portant sur la protection des données ...
Enregistrer un commentaire
Lire la suite

2eme Interview de Rezo Kretyen Beni avec le Docteur Kerry NORBRUN sur le Covid-19

Interview de Rezo Kretyen Beni (RKB) avec le Docteur Kerry NORBRUN sur le Covid-19, la pandémie qui fait peur, Partie 2. R.K.B. : Si vous devriez comparer la grippe espagnole des années 1918-1919 et le Covid-19, quelles seraient les grandes lignes de votre comparaison? K.N. : Tout d’abord, la grippe espagnole des années 1918-1919 et le Covid-19 se ressemblent vu qu’ils se manifestent comme une grippe. La grippe espagnole tuait les gens par millions. Elle se manifestait au cours de l'année 1918 mais le virus a été découvert en 1933. Les gens mourraient sans qu'on puisse déterminer la cause réelle de leur mort. En outre, l'accès aux soins de santé n'était pas aussi intéressant qaue celui du XXI siècle. Le Covid-19 est totalement différent le virus a été découvert en décembre 2019, la même année de son apparition. La découverte du virus est fondamentale puisqu’elle aide à connaître le génome viral. La connaissance de ce dernier aide à étudier le comportement du viru...
Enregistrer un commentaire
Lire la suite