Accéder au contenu principal

Yon ti pas

 Yon ti Pas

Tout sosyete gen Yon jan yo abòde relasyon fanm ak gason. Gen sosyete degre libètinaj la tèlman wo, yo alèz pou yo fè nenpòt bagay, nenpòt kote, nenpòt kilè. Men, gen sosyete ki tèlman kwense fason Yon fi ye ak yon gason gentan gen yon non menmsi pa gen anyen serye. Nan sosyete sa yo, moun yo parèt pi jouda. Sosyete ayisyèn nan trè kwense nan apròch yo sou sijè sa a. Men, nan tout diskriminasyon fanm lan parèt tròp. Yo pi fasil kondane yon fi akoz relasyon li ak gason pase Yon gason li menm ki pase anpil fi. Fanm adiltè yo tap lapide a montre sa a. Sosyete yo dakò, gason ka pase yon pil fi, son pleybòy, son jènjan. Men, lè se Yon fi ki pase Yon latriye, li son .... Nou sonje sa yo konn di yo. Sosyete yo konstwi konsa, pou fè fi yon jwe ròl bon timoun epi, gason an nan tout vogsal li. Eske li jis? Mit, sa la lontan e yo enjektel bay timoun yo. Tifi pa mache kay ti gason, tifi pa sòti, tifi pa jwe ak ti gason ... Pouki tout sa? Si nap bay restriksyon pouki tout pa ladan ? Eske mank edikasyon seksyèl ak move oryantasyon pa devye timoun yo? Eske nou pa pouse timoun nou yo vin renmen relasyon seksyèl akoz nap kache yo? Eske se mank konesans ? Eske se povrete a ki rann nou kwense a? Kot problèm lan ? ...


  • Nathalie ? Kotew soti la?

  • Pitit, m sot kay Nadia. Tifi detay, tifi chacha. Touye li sot touyem la. Lap vin la talè.

  • Hmmm, bagay la bon nan men nou …

  • Hello mes chéritures. Neph, muaaah, Talie, muuuuah. Kijann ye la?

  • Neph, madanm sa yo bay pou Nadia, siw koutel wap kite wout syèl la wi.

  • Aaaay tifi, kòman kite wout syèl la? Neph, pa okipe Talie. Eske ou imajine, ou rive devan Bondye epi li diw saw te pran pou peche, tout sa yo konn AP rakontew pou pa fè yo se bobin? Ou te ka enjoy ou alèz, pran pleziw, al nan plaj AK bebe ou? Ni ou, ni Talie nou pa tap regrèt?

  • Bon sa wap di la? Nadia, fòk ou wè Yon sikològ wi. Neph, pa okipe tifi a non, son pèdisyon 

  • Kijan pèdisyon an? Map louvri je tifi a, pou li wè klè wap pale konsa. 

  • Bon, ni ou, Neph, ni ou, Nadia, nou tou de fòl. Nou chak mennen vi n selon sa nou aprann. 

  • Pitit, gen eksperyans lèw fin fèl ou pap mande rete. 

  • Menmjan tou, gen Yon jan ou ye nan levanjil, ou pa fouti kitel. 

  • Ou imajinew, Yon bon sware, ou fatige, lapli AP tonbe, wap sot nan fak, ou kanpe nan lapli AP tann kamyonet epi, Yon machin kanpe devanw li bese vit li epil diw, ti chérie, ki kotew prale? Ou gad chofè a, li … waw, li poli, ou santi koud foud la, ou …

  • Bon ki sa wap rakonte Moun la Nadia, lougarou vin chachew epi ?

  • Pe la tifi kitem rakontew. Jou sa a, m pap baw manti, tout kòm fè chè poul pa paskem frèt non, paske zòrèy Mwen tande Yon bèl vwa maskilin. Timoun, la pou la m monte nan machin, li banm nimerol, li pran Pam nan, nou pale, li mennenm devan lakay la, anvan sa nou te … 

  • Ou te mèt pe wi. M konn saw pral di.

  • Men se pa Yon krim, kòm pou mwen, m bay Moun m vle. 

  • Nan konsa yo ka kidnapew, tirew, vyolew, touyew. Ou fou tifi. 

  • Nou genlè pi mal pase Jude, nou menm. 

  • Evre?

  • Wi, nou san lè mandem konbyen nèg m pase tou. Paske, m wè depi avanyè Jude se sa sèlman li vle konnen. 

  • An pasan konbyen ou pase?

  • Pouki poum di nou?

  • Nou pa zanmi ankò ?

  • Poum onèt ak nou, m pa sonje. Se pa sa ki pou nan tèt Mwen. 

  • Sim byen konprann yo tèlman anpil ou bliye? Se ekip foutbòl wap fè?

  • Pitit. 

  • Diw sak bèl la? Malgre ou konsa Jezi renmenw. Ou vin jwen li, lap chanje viw. Maladi sa a ou genyen an …

  • Kòmsi Neph, m malad?

  • Wi, nanm ou malad. 

  • Banm tèt mwen. Yon sèl vi nou gen, serel, pa netwaye tout anndanl. 

  • Ka pèdi sa yo Neph ou pa preche yo. 

  • Jezi renmenw tande Nadia … 


Nap swiv


Yon ti kozri 

Mike Stéphane E Cherisien 

REZO KRETYEN BENI || RKB 




Commentaires

Enregistrer un commentaire

Posts les plus consultés de ce blog

Dyaspora kanmenm

Youn nan pi gro problèm lòm se aksepte tèt li janl ye a, sanl pa gen foli montre li se yon gran devan pandan   pòch li gen trou, li se yon bounda chire. Se vre anpil moun vle montre yo sesi, yo sela epoutan anyen  serye yo pa ye. Gason toujou gen foli montre fanm, li son afè, li gen nan menl, li se yon moun ki, WAW , ki men wotè, menmsi li pa anyen serye. Siw rive nan nivo sa a, fè atansyon. - Oo Nathalie! Ki sant ou pran pitit ? - Sant fèt madanm. Kouman ou ye menm ? Ou pa wè nwèl la rive, se fèt cheri. - Hm, fèt ? Jan peyi sa ye la ? - A, Nephtalie, ki te fèt la rantre nan ou sispann fè ti figiw frijèt, frijèt. Mete ti souri sou lèv ou madanm … Epi peyi de lòk, pa gen kowona, ann pran ti plezi n. - E kidnapin lan ? Pandan ensekirite a rèd lan ? Ou pap viv nan peyi an Nathalie ? Rete ! - A Neph, chanje refren pitit ! PM Jouthe ap kase fe tout bandi sa yo. - An palan, Frank ki mande w nan maryaj kifè kèw kontan konsa ? - Se sèlman sa ki pou fè kèm kontan ? Antouka, nou po...
1 commentaire
Lire la suite

2 katastròf : kidnapin ak kowonaviris

Kisa ki ap pase Ayiti nan dènye jou sa yo ? Eske otorite yo bese bra yo ? Pa gen solisyon ? Bon, gen yon swadizan operasyon ki te fèt nan youn nan zòn cho yo, men eske se yon operasyon vre ? Oubyen yon sanblan ? Jan anpil videyo bandi yo pibliye sou rezo sosyal yo ap fè it. Epi, kot bilan operasyon an ? Lapè tabli ? Antouka, Se ak anpil pèn pou n te tande premye minis peyi an, premye polisye, chèf CSPN lan kap lage responsabilite sekirite popilasyon an nan men menm popilasyon sa a. Se mèt kò ki pou veye kò l, pa rete pròch yon moun ou pa konnen, se pa moman pou fè grajè, pran woulib nan men Moun ou pa konnen. Kòmsi Moun ki gen machin renmen bay pyeton woulib. Nou dwe vijilan vre paske polisye yo okipe nan kraze manifestasyon ak tout ti regroupman moun kap mande kanpe vàn ensekirite a. Epi, si se popilasyon ki pou sekirize tèt li, pil machin vit tente yo, anpil ki san plak e menm popilasyon sa ki pou fè tchèk ladan yo ?  Pandan tan sa a, yo kidnape medsen, medsen leve kanpe, yo touy...
2 commentaires
Lire la suite

À qui le tour ?

  À qui le tour? ''Assassinat du Sensei (maître) Kadhafi Saphir. Il est à la fois Vice-président et entraîneur national de Kyokushin (karaté sans protection) et est assassiné par balles le jeudi 3 septembre 2020 à l’Acul non loin de Gressier sur la Route Nationale numéro 2 … À qui le tour ?'' ''Le Bâtonnier de l’Ordre des Avocats de Port-au-Prince, Monferrier Dorval, a été abattu, devant son parking, en rentrant chez lui dans la nuit du 28 août 2020 à Pèlerin 5. Ce même quartier où réside le président de la République, M. Jovenel Moïse, dans la commune de Pétion-Ville …  À qui le tour? '' '' Le jeudi 27 août 2020, ont eu lieu plusieurs assassinats dont Jean Wilner Bobo, tué par balles à Pétion-Ville, Frantz Adrien Bony, Chroniqueur de radio, tué d’une balle à la tête dans la nuit, Michel Saieh homme d’affaires, tué par balles par des individus circulant à moto … À qui le tour? '' '' Le jeune professeur et entrepreneur, Obelson Pie...
Enregistrer un commentaire
Lire la suite