Accéder au contenu principal

Mete gaz nan bouda yo

 Mete gaz nan bouda yo

Nan yon sosyete kote gen bagay ki pap mache, popilasyon an itilize plizyè mwayen pou yo fè tande vwa yo. Anpil fwa se manifestasyon yo itilize. Men, nan peyi isit depi otorite nan gouvènman tande manifestasyon, yo menm yo panse ak polisye pou kraze li. Eske se efreye yo efreye ? Kijan otorite yo panse ? Pou sitwayen tonbe anba bal bandi san fwa ni lwa, tankou batonye an, mèt Monferrier Dorval ki tonbe anba bal devan lakay li, tankou etidyan memoran nan fakilte Agronomi nan Inivèsite leta a, Samul Mical ki tonbe anba bal ajan Bim nan zòn Klèsin, pou pil lòt moun ki tonbe swa nan masak, swa nan atak bandi, pou popilasyon rete bouch b ? Pou polilasyon an pa di se tròp atò ? Bouche nen nou pou nou bwè dlo santi sa ? Etidyan, avoka, popilasyon an di kou sa pap pase e manif te programe men polisye yo te reponn a lapèl pou kraze mouvman sa yo. Epi, vyolans gaye. Kawoutchou ap boule ... Kiyès ki repsponsab ? Antouka, kontinye mete gaz nan bouda yo. Jodi se pou yo, et demen ? Sonje pouvwa a pa etènèl. 


  • Nathalie ? Kotew prale la ?

  • Manifestasyon tèt dwat cheri

  • Kisa?

  • Manifestasyon etidyan fakilte dwa yo.

  • Kòmsi ou rantre nan bagay sa yo?

  • O ! Kijan? Bon, batonye a te prof nou wap di sa. Ou pa sonje bon bèt li konn ba nou nan kou dwa konstitisyonèl lan. 

  • Pitit, wi li te prof nou. Li mouri paix à son âme. Nou pap ka fè anyen pou li retounen alavi …  Epi, m pap rantre nan fè mouvman. Talè ou tande gen nèg ki te cho devan bann nan, yo achte yo. Apresa ou vin viktim … 

  • Sa wap di la, pa mete rad sou ou pou nou ale. M ta pito rele Stanley pou vin botew la, ti kapon. Siw rete bouch b, ou pa pale, sa ap janm chanje ? E si se yon pròch ou kounya ki tonbe, Se lè sa ou pral pran lari mande jistis ?

  • Hmmm …

  • Al preparew Map tann ou. Fòk nou jwen jistis. Tren lanmò sa a fòk li kanpe. M tande yap met lame pou kwape bandi m ta renmen konnen ki lame ? Epi, ou pa tande sak rive etidyan damyen an tou ?

  • Antouka … 

  • Ann ale pitit. 

Kèk minit aprè, Nathalie ak Nephtalie rive devan fakilte dwa. Byen bonè bakòp polis, blennde polisye yo gentan la. Se kòmsi, polisye yo vin louvri manifestasyon etidyan yo. Pandan Yon ti ransableman fèt, bat men an koumanse. Kèk moman aprè deblozay pete. Yon blende lapolis an pàn kawoutchou, polisye ki te ladan yo an, santi vi yo menase ap tire gaz, manif kraze. Etidyan di kou sa pap pase konsa, yo rantre nan gè, avèk wòch kòm minisyon, afrontman te lanse. Polisye pran kout biswit leta pase saw pa konnen. Menm rive gen yon etidyan ki pran bal. Yon lòt fwa manifestasyon kont enjistis, kont pouvwa tèt chat, kraze nan itilize represyon, gaz ak bal. Men, kisa ki koz tout sa rive ? Eske popilasyon an pa gen dwa eksprime fristrasyonl, degou li genyen ak tout vog sal ki ap fèt nan figil ? Eskel pa gen dwa revandike ? Mò yo ap jwen moso lajistis pa yo ? Malfra yo, otè entelektyèl ak ekzekitan yo ap anba kòd ? Pèp la sanble pap jwen ti rès la vre mesye dam ! 


Yon ti kozri 

Stéph LeBéni

REZO KRETYEN BENI || RKB






Commentaires

Enregistrer un commentaire

Posts les plus consultés de ce blog

VAR

VAR Eske li nòmal pou nap viv nan venteinyèm syèk sa pou Peyi an gen zòn moun pa ka pase akoz ensekirite ? E depiw pase la, yo konsiderew kòm yon ewo. Bon, ka sa a grav anpil. Mache pèp lan, mache kotew jwen tout bagay ou bezwen, fin kraze. Se pa paske li te fèt an beton li kraze men vòlè, bandi, gang pran zòn lan an otaj e machann tankou kliyan ki konn achte pè pase la. Kisa nap fè ak peyi sa ? Kisa nou vle ? - Nathalie, ou pap al nan fak lan? Lè a preske rive sou nou wi. -Pa enkyetew Neph, nap gentan rive. -Sa wap di la, li preske 8 è wi. Ou bliye Ayopò ak Nazon toujou gen yon vye blokis. A dizè nap rive . - E ben ann pran yon bis lavil. - KISA? - Sa lavil genyen ? Epi si le cho, yo pase pa anndan Ayopò wi pitit, gad jan Nephtalie kapon. - Se pa kapon, se pridan. M pa wè rezon pou pran bis la non, kòm anba l'avion Cho, se Ayopò lap pase, pitom pran kamyonèt. - Bis la ap tou chaje Bonrepo wi. Olye ou monte desann nan kamyonèt, pito ou pran yon vòl dirèk nan bis. - E ben...
Enregistrer un commentaire
Lire la suite

2eme Interview de Rezo Kretyen Beni avec le Docteur Kerry NORBRUN sur le Covid-19

Interview de Rezo Kretyen Beni (RKB) avec le Docteur Kerry NORBRUN sur le Covid-19, la pandémie qui fait peur, Partie 2. R.K.B. : Si vous devriez comparer la grippe espagnole des années 1918-1919 et le Covid-19, quelles seraient les grandes lignes de votre comparaison? K.N. : Tout d’abord, la grippe espagnole des années 1918-1919 et le Covid-19 se ressemblent vu qu’ils se manifestent comme une grippe. La grippe espagnole tuait les gens par millions. Elle se manifestait au cours de l'année 1918 mais le virus a été découvert en 1933. Les gens mourraient sans qu'on puisse déterminer la cause réelle de leur mort. En outre, l'accès aux soins de santé n'était pas aussi intéressant qaue celui du XXI siècle. Le Covid-19 est totalement différent le virus a été découvert en décembre 2019, la même année de son apparition. La découverte du virus est fondamentale puisqu’elle aide à connaître le génome viral. La connaissance de ce dernier aide à étudier le comportement du viru...
Enregistrer un commentaire
Lire la suite

Nap veye men eske nou pare

Nap veye men èske nou pare? (Pati 1) Menm si tout kote gen moso tèt chaje pa yo, nou ka poze tèt nou kesyon, kouman sa te ye isit lan?  Fòk nou sonje peyi Dayiti sot pase yon ane 2019 ak Yon pil troub sosyo-politiko-ekonomik. E nou ka menm avanse depi lè nouvo prezidan sa a monte sou pouvwa a bagay la mangonmen pi rèd ke avan. Chanje Gouvènman pa pote solisyon, mete kòb nan ekonomi an pou frennen dola ameriken an ki ap vale tèren fas ak goud lan pat itil anyen menm. Yon dola ki rive 100 goud. Èske se volonte ki pa genyen pou sa chanje vre? Paske pwodiksyon lokal la pa finanse vre, pa gen enfrastrikti, kòb leta fè lòt bagay ke ede peyi an vanse, bidjè gouvènman plis yon bidjè fonksyonman olye envestisman... Kot manje nan plat ayisyen an? Kot lajan nan pòch lan? Gaz karavàn nan fini? Premye Minis sou premye minis pase e dènye sèn lan te montre jan nou ba tout bon, 2 gouvènman t ap souse ti resous leta nan menm peryòd lan. Lè Lapin te demisyone, malgre depite yo te mache ak gouvè...
Enregistrer un commentaire
Lire la suite