Accéder au contenu principal

vi nan mòn

 Vi nan mòn

Ayiti son peyi kote disparite an trè gran. Diferans sosyal ak ekonomik ant moun ki nan klas sosyal diferan yo gran anpil. Richès moun nan boujwazi depase nèt ale sa Moun nan klas mwayèn lan, yon klas ekonomik ki vin dirèkteman aprel. Epi ki klas mwayèn? kiyès ki nan klas mwayèn lan ? Inivèsitè salarye ? Ann fon kout je sou lavi moun nan mòn yo, vi yo nèt man diferan de vi moun ki nan gro vil yo. Wa dire se 2 peyi diferan. Wout, aksè ak dlo, swen sante, kouran, enfrastrikti, tout bagay sa yo diferan nan 2 vil sa yo. Wa dire Ayiti pa yo an diferan de Ayiti Moun lavil yo. Ou ka sezi wè yon kote ou ta dwe pran ven minit pou ale si te gen bon mwayen transpò ou fè twa zèdtan paske ou oblije fèl apye. Menm moto pa ka pase. Épi gen kòb pou gaspiye nan banbòch tankou kanaval menmsi pa gen lopital, gen kòb pou fè gwo fonksyonè leta rich men pa gen ase pou mete baz Yon devlopman dirab. Epi nou di nap fè peyi.
- Dyaspora lokal, koumanw ye la? Epa m wè son bò ou ye, epi men nan senti. Sak pase?
- Nephtalie pitit, sim diw kotem soti la a, sak rivem kote sa a, wap sezi.
- E ben chita, rakontem pitit. Kouman sa te ye ?
- Madanm, mwen ale poum fè yon semèn, men m pa kapab menm an jwèt. Wè se 3 jou m fè.
- Sak pase Nathalie ?
- Mwen ale samdi, pa vre ?
- M kwe sa wi… kounya wap banm pawòl poum bay vag ?
- A pitit, saw gentan gen la? Hmm. Pa konn siw al la déjà men … hmmm. Pou monte mòn yo, pou rive kotem tap ale an, se moto m pran, nou fè anviwon dezèdtan ap kouri, monte mòn, desann mòn. Chofè a pote nenpòt 4 moun, youn sou tank lan, 3 lòt yo dèyè.
- KISA?
- Janw tandel lan. Li depozen' nan yon stasyon moto anlè a, lèm rive m wè yo tap tann mwen, apre, m mache, m mache , m mache. M rive annik rive m lage kòm sou Yon nat.
- Rete
- Machè, pou wè moun yo wi. Mwen ale ak Yon galon dlo, se li m bwè, li ki lave ti koukoun mwen wi.
- Eeeeeeeeey, sal ye?
- Pa tap mete dlo sous sa yo nan machandiz chèm lan.
- Pa touyem non Nathalie.
- Bon pawòl wi. Wè dlom fini, m rantre sòm. Men pou wè wout Moun yo fè pou yal dèyè yon ti dlo sous. Se li yo bwè, li ki pou benyen, li ki fè tout bagay. Gen mizè wi. Ou sonje dokimantè nou tap gade sou sa lajan petrokaribe fè Sendomeng, wout pasrèl AK pil lòt bagay men isit Hmmmmmm.
- zonbi manje kòb lan.
- kotew jwen sa wap di la?
- Epa zonbi ? Wa jwen kòb sa siw kapab.
- machè nap jwen li e anpil moun ap pran kòd.
- Men lap reve. Ou konn sak plis touyem lan nou sot pase 3 mwa lòk, lavi vin pi chè, yo jwen kòb pou fè kanaval, e sak dròl lan, enpav yo ap danse devan cha la prezidans. Plezi sèlman ki nan tèt yo.
- Kisa ?
- Ou pat pran nouvèl pandan ou nan mòn lan ? .... Nathalie, Nathalie ... Leve pitit ...
Kisa nou vle fè? Peyi ou boutik ? Bon menm boutik gen prensip. Isit lan, nou pa konn anyen nan anyen. Gen kòb pou pran plezi men pa gen kòb pou chanje lavi moun ki pi mal yo. Sa sa kouten' pou nou fè moun nan mòn yo viv byen ? Pou mete bon jan kondisyon pou moun viv tankou Moun? Nap mouri si nou pran byen ak lajan leta pou devlope peyi an ? Banbòch ap fèn bliye grangou ki nan peyi an? Plezi AP fèn' jwen kòb poun' peye lekòl timoun nou? Pil fèt ap mete lajan nan pòch? Fè kanaval ap mete manje nan asyèt ? Ann fè peyi e non boutik.

M. Stéphane E. Chérisien (Stéph Le Béni)
Yon ti kozri || Rezo Kretyen Beni






Commentaires

Enregistrer un commentaire

Posts les plus consultés de ce blog

Un petit coup d’œil dans le dossier Dermalog

Retournons sur un dossier sur le régime PHTK de Jovenel Moise Dermalog Identification Systems GmbH, basé à Hambourg, est le pionnier du développement de produits et systèmes biométriques. Elle est considérée comme le plus grand fabricant allemand dans le domaine biométrique. Elle développe en permanence des systèmes d’identification biométrique automatiques, des systèmes d’identification automatique par empreintes digitales, des appareils de pointe de numérisation d’empreintes digitales. Elle développe un ensemble de produits comme empreintes digitales, reconnaissance du visage et de l’iris, le système multi-biométrique … Au fil des ans, cette entreprise acquiert une réputation mondiale. Pourquoi l’État haïtien aurait sollicité les services de Dermalog ? Pourquoi ce dossier est un scandale ? Le 19 avril 2017, le président Jovenel Moïse a adopté, en conseil des ministres un projet de loi instituant la carte d’identification nationale unique, portant sur la protection des données ...
Enregistrer un commentaire
Lire la suite

VAR

VAR Eske li nòmal pou nap viv nan venteinyèm syèk sa pou Peyi an gen zòn moun pa ka pase akoz ensekirite ? E depiw pase la, yo konsiderew kòm yon ewo. Bon, ka sa a grav anpil. Mache pèp lan, mache kotew jwen tout bagay ou bezwen, fin kraze. Se pa paske li te fèt an beton li kraze men vòlè, bandi, gang pran zòn lan an otaj e machann tankou kliyan ki konn achte pè pase la. Kisa nap fè ak peyi sa ? Kisa nou vle ? - Nathalie, ou pap al nan fak lan? Lè a preske rive sou nou wi. -Pa enkyetew Neph, nap gentan rive. -Sa wap di la, li preske 8 è wi. Ou bliye Ayopò ak Nazon toujou gen yon vye blokis. A dizè nap rive . - E ben ann pran yon bis lavil. - KISA? - Sa lavil genyen ? Epi si le cho, yo pase pa anndan Ayopò wi pitit, gad jan Nephtalie kapon. - Se pa kapon, se pridan. M pa wè rezon pou pran bis la non, kòm anba l'avion Cho, se Ayopò lap pase, pitom pran kamyonèt. - Bis la ap tou chaje Bonrepo wi. Olye ou monte desann nan kamyonèt, pito ou pran yon vòl dirèk nan bis. - E ben...
Enregistrer un commentaire
Lire la suite

2eme Interview de Rezo Kretyen Beni avec le Docteur Kerry NORBRUN sur le Covid-19

Interview de Rezo Kretyen Beni (RKB) avec le Docteur Kerry NORBRUN sur le Covid-19, la pandémie qui fait peur, Partie 2. R.K.B. : Si vous devriez comparer la grippe espagnole des années 1918-1919 et le Covid-19, quelles seraient les grandes lignes de votre comparaison? K.N. : Tout d’abord, la grippe espagnole des années 1918-1919 et le Covid-19 se ressemblent vu qu’ils se manifestent comme une grippe. La grippe espagnole tuait les gens par millions. Elle se manifestait au cours de l'année 1918 mais le virus a été découvert en 1933. Les gens mourraient sans qu'on puisse déterminer la cause réelle de leur mort. En outre, l'accès aux soins de santé n'était pas aussi intéressant qaue celui du XXI siècle. Le Covid-19 est totalement différent le virus a été découvert en décembre 2019, la même année de son apparition. La découverte du virus est fondamentale puisqu’elle aide à connaître le génome viral. La connaissance de ce dernier aide à étudier le comportement du viru...
Enregistrer un commentaire
Lire la suite