Accéder au contenu principal

L'enquête se poursuit

Eske Ayiti se pa youn nan ra peyi kote tout ankèt toujou aloral, yo pa janm ateri ? Si nou swiv tandans lan, depi yon zak fèt, se yon proch pouvwa aktyèl la kifè l, ou gen kòm garanti yap kole yon ankèt ki pap janm abouti. Ki donk ou pap janm jwen jistis. Nan ki pwen ankèt Jean Dominique lan ye? Li fini ? Responsab lanmò li yo anba kòd ? Ankèt sou zak sasinay Brignol Lindor la te abouti ? Néhémie Joseph, Jacques Roche … yo jwen jistis ? Kounya, ankèt sou asasina batonye an, Mèt Monferrier Dorval, etidyan lekòl nòmal la, Grégory Saint-Hilaire, etidyan nan Agronomi an, Samul Mical … nan ki pwen yo ye souple ? San nou pa bliye plizyè masak ki fèt deja yo, masak nan Bèlè, nan Tokyo, nan Ponrouj elatriye. 

E ankèt sou kòb peyi an sansi fè dap piyanp sou yo an, nan ki pwen yo rive ? Kòb kowoperativ, kòb CIRH, kòb petro Karibe, kontra dèmalog, pil sifaktirasyon yo … eske Ayiti ap jwen yo ? Pou chak dosye toujou menm refren an, une enquête est ouverte, apre kèk jou, poze yo kesyon sou ankèt la, yon sèl repons, l'enquête se poursuit. A la ti peyi ka jwen, hmmm.


  • Nathalie, ou kwè mò nan peyi sa a ap jwen jistis ?

  • Kounya ou vle touye mò yo ak pawòl jistis ou an pa vre.

  • M serye wi, menm Sila ki mouri grangou ta dwe gen yon ankèt ki louvri paske yon peyi rich konsa pa ka gen tout grangou sa a. Tout richès peyi a paka repati ak yon sèl ti group ki pran peyi a an otaj, se yon ti bout tè tranzit.  

  • Ou serye Nephtalie ? Nan zen ou bezwen mete m ? Talè m tande map konplote kont site leta.  

  • Sak pranw la ? Ki konplo ? Yon bann etranje vin rich nan peyi an, kraze tout sa ki atrè ak nasyonalis, patriyotis. Mete sou li, Yon ekip lòt blan je vèt, rantre nan peyi an achte yon valè tè. Plede di peyi an pa bon. Li pa bon epi yap achte tè isit ? Ou pa wè se deyò yo vle mete nou e si nou rete, yap fè konplo pou grangou touye nou. 

  • Aaaa Neph sa wap di konsa. Yo ka toujou renmen peyi an. Kot problèm lan ? Se yo ki koz pil malere vote pou mil goud ? Yo ki koz nèg kap desann pantalon li gouye sou yon cha kanaval prezidan ? Yo ki koz yon izipatè, yon swadizan vòlè dirije peyi an ?

  • A pitit banm tèt mwen, yo pa konplis nan sak rive nou an ? Kiyès ki kroupi nou nan kras la ?

  • Sa lap di la Jezi, si nou pa louvri pot ba yo, yo te ka rantre ?

  • Ou te ka pa louvri ?

  • Antouka, pa wè l konsa. 

  • Ann serye, avèk legalizasyon gang ame nan peyi an, ou panse sa ka ranje ? Ou panse mò yo, viktim yo ap jwen jistis ? 

  • Aaaaaaa, bagay yo pat dejenere konsa pat gen jistis, se toujou menm kantik lan, l'enquête se poursuit, se pa kounya, kote bagay yo terib nèt la, yap jwen ?

  • Dayè kounya, bagay la fèt pi swa yo, bandi ap pot lòt bandi bay lapolis, bandi se anketè lapolis ? Tout otè zak sasinay yo ap sikile libelibè. 

  • Ou imajinew, wap viv nan yon peyi kote, majistra, prezidan, minis, direktè bwat leta gen men yo tranpe nan pifò zak sal kap fèt nan peyi an ? Epi, ou dim se blan ki koz ?

  • Bandi legal mete ak tonton blan, madanm. Paske fòk ou dim kot zam yo sòti ? Kot katouch yo sòti ? Ayisyen fè zam kounya ? Te kwè Ayiti gen anbago zam ?

  • Tout sa wap di la se bobin fil, sèl sa m ka di w depi w viktim ou antò paske ou pap janm konn wout jistis nan peyi isit, se nou ki pa bon. Lap toujou konsa paske nou pa sou fè peyi.  

  • Dosye krim, dosye detounman lajan leta, dosye sifaktirasyon, dosye kontreband elatriye tout nan enpas, pa gen dwèt kap kontrole l ? Se sèl ayisyen ki ap gagote lajan peyi an ? Pouki chak ti don yo fè peyi an, chaje ONG ki rantre ? Di pito, Ayiti pap jwen jisitis. Yap kole yon ankèt ki pap janm abouti. 


Nap swiv 

Yon ti Kozri 

REZO KRETYEN BENI || RKB







Commentaires

Enregistrer un commentaire

Posts les plus consultés de ce blog

2eme Interview de Rezo Kretyen Beni avec le Docteur Kerry NORBRUN sur le Covid-19

Interview de Rezo Kretyen Beni (RKB) avec le Docteur Kerry NORBRUN sur le Covid-19, la pandémie qui fait peur, Partie 2. R.K.B. : Si vous devriez comparer la grippe espagnole des années 1918-1919 et le Covid-19, quelles seraient les grandes lignes de votre comparaison? K.N. : Tout d’abord, la grippe espagnole des années 1918-1919 et le Covid-19 se ressemblent vu qu’ils se manifestent comme une grippe. La grippe espagnole tuait les gens par millions. Elle se manifestait au cours de l'année 1918 mais le virus a été découvert en 1933. Les gens mourraient sans qu'on puisse déterminer la cause réelle de leur mort. En outre, l'accès aux soins de santé n'était pas aussi intéressant qaue celui du XXI siècle. Le Covid-19 est totalement différent le virus a été découvert en décembre 2019, la même année de son apparition. La découverte du virus est fondamentale puisqu’elle aide à connaître le génome viral. La connaissance de ce dernier aide à étudier le comportement du viru...
Enregistrer un commentaire
Lire la suite

VAR

VAR Eske li nòmal pou nap viv nan venteinyèm syèk sa pou Peyi an gen zòn moun pa ka pase akoz ensekirite ? E depiw pase la, yo konsiderew kòm yon ewo. Bon, ka sa a grav anpil. Mache pèp lan, mache kotew jwen tout bagay ou bezwen, fin kraze. Se pa paske li te fèt an beton li kraze men vòlè, bandi, gang pran zòn lan an otaj e machann tankou kliyan ki konn achte pè pase la. Kisa nap fè ak peyi sa ? Kisa nou vle ? - Nathalie, ou pap al nan fak lan? Lè a preske rive sou nou wi. -Pa enkyetew Neph, nap gentan rive. -Sa wap di la, li preske 8 è wi. Ou bliye Ayopò ak Nazon toujou gen yon vye blokis. A dizè nap rive . - E ben ann pran yon bis lavil. - KISA? - Sa lavil genyen ? Epi si le cho, yo pase pa anndan Ayopò wi pitit, gad jan Nephtalie kapon. - Se pa kapon, se pridan. M pa wè rezon pou pran bis la non, kòm anba l'avion Cho, se Ayopò lap pase, pitom pran kamyonèt. - Bis la ap tou chaje Bonrepo wi. Olye ou monte desann nan kamyonèt, pito ou pran yon vòl dirèk nan bis. - E ben...
Enregistrer un commentaire
Lire la suite

Interview avec Carl-Henry Prophète, économiste

Interview avec Carl-Henry Prophète sur une comparaison entre la récession de 2008 et la crise économique provoquée par le Covid-19. Et voir si les solutions pourraient être les mêmes? La crise de 2008 est une crise issue du secteur financier. Un groupe de personnes se trouvaient dans l'incapacité de rembourser des prêts hypothécaires (prêts pour l'achat de maisons) que les banques leur avaient octroyés. Ces banques, à cause de cette incapacité se trouvèrent, à leur tour en difficulté. Or, l'argent de ces banques appartenaient à des entreprises, ces dernières n'ont pas été payés par ces banques. D'où un effet domino, un groupe d'effets en chaîne. Ces entreprises qui n'ont rien trouvé dans les banques, deviennent en difficulté, et sont obligées de diminuer leur personnel pour survivre. Quand le taux de chômage augmente, des entreprises en difficulté, des banques dépourvues de liquidité ne pouvant plus octroyer des crédits, la demande dans l'économie a...
Enregistrer un commentaire
Lire la suite