Accéder au contenu principal

Yon 11 novanm malè


Eske paran ayisyen ka pi malen pase pitit yo ? Sitiyasyon paran ayisyen yo konplike fas ak timoun ki toujou renmen konnen, sitou sila ki pa gen tròp mwayen kote chanm timoun yo kole ak chanm pa yo. Ti moman plezi ki pou fè paran yo bliye pwoblèm lavi e rive nan setyèm syèl oblije fèt an kachèt paske timoun pa dwe konnen. Gen paran ki itilize plizyè taktik, fè timoun dòmi bonè, ba yo siwo pou yo dòmi, voye yo kay vwazin, kay grann, kay matant, oubyen louvri radyo byen fò nan chanm lan konsa tout bri fè yon sèl. Men, malgre tout sa gen timoun ki pi malen ki detounen tout koub sa yo pou yo rive konnen. Ala mizè pou ti paran ayisyen !!! Men, eske se pa paran yo ki lakoz ? Ou menm paran, pitit ou poko janm mandew kijan li fè fèt ? Si l mandew ki repons wap ba li ? Eske depi ou gen timoun ou oblije ba tèt ou kèk restriksyon oubyen wap veye pou alèz nan kay la ? Eske nou fè edikasyon seksyèl timoun yo ?


  • Nathalie, yon refleksyon map fè depi avanyè. 

  • Sa l ye la Neph ?

  • Eske paran nou yo fè eksprè pou pa fè edikasyon seksyèl timoun yo ?

  • O Nephtalie !!! Sa w pèdi nan koze sa ?

  • M pa gen dwa pale tout bagay ?

  • M pa di sa men jan paran yo ye a se yo sèl ki konn pouki. Ou paka fòse yo pou chanje sa non plis paske si yo gen siksè ak li, yap toujou kenbe l. 

  • Men se la, ou konn a fòs ou kache yon bagay pou timoun lan, se lè sa lap chache konnen. Li ka mal aprann, epi, kot siksè a ?

  • Wi, gen siksè. Men tou, fòk paran yo genyen pou yo bay timoun lan. Si yo pat jwen sa, lap difisil wi pou yo bay timoun yo yon bon baz sou kesyon sa a.  Paske, lontan se ankachèt wi bagay sa yo konn fèt. Ou imajine se paran kap bay pitit yo mari oubyen madanm. Papa m konn banm istwa li dim se granpè m wi kite koze ak fanmi manmanm se lè fanmi an reponn e li dakò papam koumanse pale ak manmanm wi. Poum montrew si koze a se te konsa e byen lòt bagay la se pi mal. 

  • Pandan wap di sa, m sonje yon bagay ki rive jou fèt papam, yon 11 novanm, men granmoun sa yo, yo gen may wi.

  • Sal ye la ?

  • Jou sa a, papa m rantre bonè, li annik vini li kole sou manman m, chak kote manman m fè li la. Sak dròl la, li pa kenbe leson pou nou, li pa di nou si nou fin fè devwa li di Mwen AK frèm yo Al dòmi. Youn nan gran frèm yo, Tony, di fwa sa m pap al dòmi bonè fok m konn sak pral genyen. Men, manmanm ki wè nou pa sou dòmi, li di frèm lan fè lèt pou n bwè. Oo, lè manmanm fin separe, li ba nou lèt, nou fin bwè, nou kagou, nal dòmi. M pa konn si se sipotadin li mete ladan paske toujou gen bagay sa lakay la. 

  • Nou panse nou mètdam nou jwen. 

  • Yo sou men yo. Nan, demen jan m te wè ti figi yo, m pat ka konprann. 

  • Ou te ka konprann ?

  • Men, Tony te vin bann yon blag sou yo kifè m gentan sispèk sak te pase jou sa. 

  • Tony te kenbe yo ?

  • E pa kenbe non, men li te di nou gen yon lè, m pa konn si se cho bagay la te cho nan kò yo jou sa a, yo pat gad si nou tout te dòmi. Tony di n, pandan li kouche konsa li tande bèl mizik ap pase nan chanm lan, se chansonèt fransèz, se bèl ti konpa lòv. Li paka dòmi, li proche bò pòt yo a, li paka louvri pòt la pou yo pa kenbe l e pa gen twou pou l gade, li plake zòrèy li nan pòt la pou l tande. Se mizik ki tap pase, li paka tande byen sa kap fèt anndan. Mizik lan annik koupe bip, li tande yon bri, '' wi papityou, touyem papi '', li kouri vip al nan kabann li. Li tou pè pou papa n pa touye manman n. Lè li di n sa nou ri, nou ri, nou ri. 

  • Men timoun oooo



Yon ti kozri

REZO KRETYEN BENI || RKB







Commentaires

Enregistrer un commentaire

Posts les plus consultés de ce blog

2eme Interview de Rezo Kretyen Beni avec le Docteur Kerry NORBRUN sur le Covid-19

Interview de Rezo Kretyen Beni (RKB) avec le Docteur Kerry NORBRUN sur le Covid-19, la pandémie qui fait peur, Partie 2. R.K.B. : Si vous devriez comparer la grippe espagnole des années 1918-1919 et le Covid-19, quelles seraient les grandes lignes de votre comparaison? K.N. : Tout d’abord, la grippe espagnole des années 1918-1919 et le Covid-19 se ressemblent vu qu’ils se manifestent comme une grippe. La grippe espagnole tuait les gens par millions. Elle se manifestait au cours de l'année 1918 mais le virus a été découvert en 1933. Les gens mourraient sans qu'on puisse déterminer la cause réelle de leur mort. En outre, l'accès aux soins de santé n'était pas aussi intéressant qaue celui du XXI siècle. Le Covid-19 est totalement différent le virus a été découvert en décembre 2019, la même année de son apparition. La découverte du virus est fondamentale puisqu’elle aide à connaître le génome viral. La connaissance de ce dernier aide à étudier le comportement du viru...
Enregistrer un commentaire
Lire la suite

VAR

VAR Eske li nòmal pou nap viv nan venteinyèm syèk sa pou Peyi an gen zòn moun pa ka pase akoz ensekirite ? E depiw pase la, yo konsiderew kòm yon ewo. Bon, ka sa a grav anpil. Mache pèp lan, mache kotew jwen tout bagay ou bezwen, fin kraze. Se pa paske li te fèt an beton li kraze men vòlè, bandi, gang pran zòn lan an otaj e machann tankou kliyan ki konn achte pè pase la. Kisa nap fè ak peyi sa ? Kisa nou vle ? - Nathalie, ou pap al nan fak lan? Lè a preske rive sou nou wi. -Pa enkyetew Neph, nap gentan rive. -Sa wap di la, li preske 8 è wi. Ou bliye Ayopò ak Nazon toujou gen yon vye blokis. A dizè nap rive . - E ben ann pran yon bis lavil. - KISA? - Sa lavil genyen ? Epi si le cho, yo pase pa anndan Ayopò wi pitit, gad jan Nephtalie kapon. - Se pa kapon, se pridan. M pa wè rezon pou pran bis la non, kòm anba l'avion Cho, se Ayopò lap pase, pitom pran kamyonèt. - Bis la ap tou chaje Bonrepo wi. Olye ou monte desann nan kamyonèt, pito ou pran yon vòl dirèk nan bis. - E ben...
Enregistrer un commentaire
Lire la suite

Interview avec Carl-Henry Prophète, économiste

Interview avec Carl-Henry Prophète sur une comparaison entre la récession de 2008 et la crise économique provoquée par le Covid-19. Et voir si les solutions pourraient être les mêmes? La crise de 2008 est une crise issue du secteur financier. Un groupe de personnes se trouvaient dans l'incapacité de rembourser des prêts hypothécaires (prêts pour l'achat de maisons) que les banques leur avaient octroyés. Ces banques, à cause de cette incapacité se trouvèrent, à leur tour en difficulté. Or, l'argent de ces banques appartenaient à des entreprises, ces dernières n'ont pas été payés par ces banques. D'où un effet domino, un groupe d'effets en chaîne. Ces entreprises qui n'ont rien trouvé dans les banques, deviennent en difficulté, et sont obligées de diminuer leur personnel pour survivre. Quand le taux de chômage augmente, des entreprises en difficulté, des banques dépourvues de liquidité ne pouvant plus octroyer des crédits, la demande dans l'économie a...
Enregistrer un commentaire
Lire la suite