Accéder au contenu principal

Mache dola, son mache penyen lage?

Nou tout wè l e konstate l sou gouvènman sa a, to chanj lan varye san nou pa konpran anyen ladan. Eske se paske nou pa sène paramèt yo ? Yon sèl kou ou bezwen plizyè sak goud pou yon dola men kounya, pandan gen prèske menm sitiyasyon an, dola ap chite. Sak koz sa ? Nou vin ap pwodwi kounya ? Paske premye sa ki te avanse lè goud la te tankou po patat devan dola se paske nou pat pwodwi. Menmsi, kèk ekonomis te avanse pou di teyorikman goud la pa ta dwe konsa devan dola, li te dwe pi ba pase 80 goud. Men, li te rive plis pase 100 goud. Eske ekonomis lan gen rezon ? Ki règ lèw nan peyi sa a ki aplike ? Men kounya mezon transfè yo ap rele anmwey pa yo. Jan mezon transfè yo tap byen pase nan ti mache sa a, podyab yo. Depiw vle transfèw an dola, degajew gen kont dola ou nan bank, siw vle l an goud mezon transfè yo ap vin pran goud nan bank ba ou. Eske mache a vin bon ? Ap gen mwens gagòt ? Mache dola, son mache penyen lage ou non?

  • Kòmè Neph ! Saw genyen ou vekse konsa? 

  • Machè ooo, Ayiti sa a son savann wi.

  • Kounya ou konn sa ?

  • A bagay la trò raz. Gad yon bagay, san rezon kòb meriken an te men wotè epi piw li desann, manje rete tèt chè …

  • Genyen ki koumanse desann pa di sa. 

  • Kèk ki desann. Mete sou li, responsab faktori yo kap rele anmwey si dola ap desann toujou, li pap bon pou yo. 

  • Profi yo pap fè ?

  • Sa lap di la ? Bon se an dola yo pase kontra yo, e se an goud yo peye malere yo. Sa yo pèdi ? 

  • A madanm, ou konn fòk yo souse tout ji ti malere yo. Se nan esklavaj modèn Moun faktori yo ye wi. Ou konn sa?

  • Pa konnen. Mendèv bon mache isit la genyen, fòk yo eksplwatel nèt. 

  • Bon ou pa tande mezon transfè yo ap fè grèv.

  • Jan yo te konn souse sou do malere. Wè lakay la, kay grann mwen ou konn pa gen bank, siw bezwen youn se nan vil lan pou ale, wap peye nenpòt 250 goud moto pou al ladan. Saw konn mezon transfè a fè lè kòb la te 100 goud, li chanje transfè yo a 80 goud e li revann dola nenpòt 105 goud. Li vin fè nenpòt 25 goud sou dola transfè yo.

  • Manti Nephtalie, yo pa vòlè konsa. 

  • Woy, bon m diw yon bagay ou dim non. Rele Ti Jude kounya, mandel. 

  • Pa di grosè bagay sa a sou yo. 

  • Serye wi. Kounya, BRH ap manyen yo, yo pa ka pa plenyen. 

  • Se pa regile mache a ap regile ? Men, mezon transfè yo pa la pou chanje kòb. 

  • E ben yo pat konsa yo menm. Kounya, BRH diw siw vle ti transfè ou an dola meriken, louvri yon kanè dola nan bank, yap fè transfè a epi wal pranl sou kont ou. Men, mezon transfè yo ap pran goud nan men bank pou bay kliyan. 

  • Biznis kraze !!!!

  • Se vre gen anpil lòt kote ki pa bon nan sikilè BRH la men yon kote li kraze biznis mezon transfè yo tap fè sou do pèp la. 

  • Bon, mezon transfè yo mele wi. 

  • Mele pa mele youn nan yo pap regle afè peyi. Enterè yo yap defann … 


Ann swiv 


Yon ti kozri

Steph LeBéni

Rezo Kretyen Beni || RKB

Commentaires

Enregistrer un commentaire

Posts les plus consultés de ce blog

Dyaspora kanmenm

Youn nan pi gro problèm lòm se aksepte tèt li janl ye a, sanl pa gen foli montre li se yon gran devan pandan   pòch li gen trou, li se yon bounda chire. Se vre anpil moun vle montre yo sesi, yo sela epoutan anyen  serye yo pa ye. Gason toujou gen foli montre fanm, li son afè, li gen nan menl, li se yon moun ki, WAW , ki men wotè, menmsi li pa anyen serye. Siw rive nan nivo sa a, fè atansyon. - Oo Nathalie! Ki sant ou pran pitit ? - Sant fèt madanm. Kouman ou ye menm ? Ou pa wè nwèl la rive, se fèt cheri. - Hm, fèt ? Jan peyi sa ye la ? - A, Nephtalie, ki te fèt la rantre nan ou sispann fè ti figiw frijèt, frijèt. Mete ti souri sou lèv ou madanm … Epi peyi de lòk, pa gen kowona, ann pran ti plezi n. - E kidnapin lan ? Pandan ensekirite a rèd lan ? Ou pap viv nan peyi an Nathalie ? Rete ! - A Neph, chanje refren pitit ! PM Jouthe ap kase fe tout bandi sa yo. - An palan, Frank ki mande w nan maryaj kifè kèw kontan konsa ? - Se sèlman sa ki pou fè kèm kontan ? Antouka, nou po...
1 commentaire
Lire la suite

2 katastròf : kidnapin ak kowonaviris

Kisa ki ap pase Ayiti nan dènye jou sa yo ? Eske otorite yo bese bra yo ? Pa gen solisyon ? Bon, gen yon swadizan operasyon ki te fèt nan youn nan zòn cho yo, men eske se yon operasyon vre ? Oubyen yon sanblan ? Jan anpil videyo bandi yo pibliye sou rezo sosyal yo ap fè it. Epi, kot bilan operasyon an ? Lapè tabli ? Antouka, Se ak anpil pèn pou n te tande premye minis peyi an, premye polisye, chèf CSPN lan kap lage responsabilite sekirite popilasyon an nan men menm popilasyon sa a. Se mèt kò ki pou veye kò l, pa rete pròch yon moun ou pa konnen, se pa moman pou fè grajè, pran woulib nan men Moun ou pa konnen. Kòmsi Moun ki gen machin renmen bay pyeton woulib. Nou dwe vijilan vre paske polisye yo okipe nan kraze manifestasyon ak tout ti regroupman moun kap mande kanpe vàn ensekirite a. Epi, si se popilasyon ki pou sekirize tèt li, pil machin vit tente yo, anpil ki san plak e menm popilasyon sa ki pou fè tchèk ladan yo ?  Pandan tan sa a, yo kidnape medsen, medsen leve kanpe, yo touy...
2 commentaires
Lire la suite

À qui le tour ?

  À qui le tour? ''Assassinat du Sensei (maître) Kadhafi Saphir. Il est à la fois Vice-président et entraîneur national de Kyokushin (karaté sans protection) et est assassiné par balles le jeudi 3 septembre 2020 à l’Acul non loin de Gressier sur la Route Nationale numéro 2 … À qui le tour ?'' ''Le Bâtonnier de l’Ordre des Avocats de Port-au-Prince, Monferrier Dorval, a été abattu, devant son parking, en rentrant chez lui dans la nuit du 28 août 2020 à Pèlerin 5. Ce même quartier où réside le président de la République, M. Jovenel Moïse, dans la commune de Pétion-Ville …  À qui le tour? '' '' Le jeudi 27 août 2020, ont eu lieu plusieurs assassinats dont Jean Wilner Bobo, tué par balles à Pétion-Ville, Frantz Adrien Bony, Chroniqueur de radio, tué d’une balle à la tête dans la nuit, Michel Saieh homme d’affaires, tué par balles par des individus circulant à moto … À qui le tour? '' '' Le jeune professeur et entrepreneur, Obelson Pie...
Enregistrer un commentaire
Lire la suite