Ou plante dlo deja ? Non ? Nan domèn agrikilti sitou lèw pral fè rebwazman yo toujou itilize tèm sa yo ''plante dlo'' ''plante lavi''. Se pou endike plante pyebwa se anrichi nap freyatik yo, se fè plis dlo rantre, stoke nan sou sòl yo e anpeche yo kouri fè dega, ewozyon nan sòl la e ale nan lanmè a. Men, pouki tout diskisyon ''plante dlo'' nan lari a ? Tèm lan egziste ki donk pa wè nesesite pou fè piblisite pou li. Se pa paske madanm lan pale de plante dlo an, kifè li se yon gwo problèm, se pa li ki envante l. Gen plizyè peyi afrik ki itilize li. Menm an Ayiti, Minis anviwònman te itilize li tou. Se vre ou kapab di, lè w ap adrese ak yon gwoup moun kote majorite an kont ou, ou pa gen pou w kite vid pou moun al entèprete sa w ap di a mal. Wi, li te ka itilize lòt mo, foli konnen pa mache nan tout lakou.
Nathalie, ou konn plante dlo ?
Sak sa?
Oo, ou pa nan peyi an, tout yè sou tout rezo sosyal yo, se plante dlo, plante dlo wi
Ok, e ben lòt semèn yo pral plante tè nan mòn yo tou.
Moun yo fon pil lòbèy AK istwa sa a.
E pa madanm lan ki dil nan diskou l avanyè a ?
Wi, ou pat tande l?
Non, m pa pèdi tande moun sa yo. E peyi yap fè ? Yo fin di ti rès la pou pèp la, yo lage bandi ak zam vin pran l nan men pèp la.
Ou pa ta lage l konsa sèm, san filtè.
Men, koze plante dlo a pa Yon problèm non, ki fot li fè?
Sèl sa m ka diw si madan prezidan ta fon erè, se paske li chwazi move piblik poul itilize tèm sa, pwen boul.
Tank yo gen foli konesè lè yo kot moun ki pa trò fò nan ekriti.
Epi tou, valè pwoblèm ki genyen, pou Moun ret chita nan sa a. Se di lòt bagay nan plas plante dlo a kap fè gen Sekirite, gen manje pou nou manje, gen bon jan ledikasyon?
O e pa e Mwen wap mande ?
Ou ka dim.
Yo pran popilasyon an pou makak nèt wi epi nou menm ki pi mal fè bòz ak bagay ki pa menm merite l. Ou pat tande gen youn yo fè sou Moy kap pale fransè. Anpil nan popilasyon an malad wi.
Ou pa wè son pèp zonbi, depi yo ka manje ti plat diri a menmsi li pa plen vant yo.
Map mande m si se kalite Moun ki la jodia ki te la nan Plas Dessalines, eske tap gen endepandans ?
Ou poze yon gwo kesyon wi. Men, m ka diw si kalte moun ki la yo pa ka mete tèt yo ansanm pou yo goumen pou tout moun jwen olye se tout pou yon group Moun, sa pa tap etone m pou nou te rete nan esklavaj.
Bann zonbi sa yo nèvan. Kòb CIRH vini, yo pran l, kòb Petro Karibe vini, yo pran l, kòb projè devlòpman vini yo pran l, yo fè kòb nan gaz, nan dola meriken, yo pran tout. E pèp la ? Kounya, Yon bann egare ret nan yon bagay plante dlo. E plante dlo a kap fè nou jwen ti rès la ?
Nap swiv
Yon ti kozri
Stéph LeBéni
REZO KRETYEN BENI || RKB
Commentaires
Enregistrer un commentaire